6.சோதி மயமான பரிசுத்த வத்துவை

6.சோதி மயமான பரிசுத்த வத்துவை
*************************************

சோதி மயமான பரிசுத்த வத்துவை
தொழுதழு தலற்றித் தொந்தோம் தோமெனவே
நீதிதவறா வழியில் நின்று நிலையாய்
நினைந்து நினைந்துருகி ஆடு பாம்பே!

பரிசுத்த - தூய்மையான, புனிதமான, முழுமையான
வத்து - பொருள்
அலற்றுதல் - அலறல். கதறல், கூப்பிடல், ஒலித்தல், விரிதல் என்னும் பல பொருள் இருந்தாலும், இங்கே விரிதல் என்று பொருள் கொள்ள வேண்டும். அதாவது, தொழுதழு தலற்றி = தொழுது, அழுது, அலற்றி(விரிதல்).
தொழுது, அழுது, பின் தன் படத்தை விரித்து என்று பொருள்.
தொந்தோம் தோமெனவே = தொந் தோம் தோம் என்னும் தாளத்துக்கு ஏற்ப
நீதி = நியாயம், முறைமை, மெய் என்னும் பல பொருள் இருந்தாலும், இங்கே மெய்(உடலுக்குள்ளே) க்குள் வழிதவறாமல் நிலையாய நினைந்து நினைந்து உருகி ஆடு பாம்பே என்றார்.